الفرق بين التشطيب و الديكور
Updated: Sep 19, 2020
كلمتين كده / الماشي فيه حاجه اسمها تشطيب و فيه حاجه تانيه اسمها ديكور
التشطيب ده اللي هو انك تعمل ارضيات و حوائط و اسقف بخامات و مصنعيات و يبقي المكان صالح و جاهز على السكن
فيه حاجه تانيه خالص بقي اسمها تصميم ديكور ده بيبقي فيه حاله للمكان بناء على تصميم داخلي اللي عمله حد متخصص سواء مهندس ديكور او ستايلست او علي علم بمجال الديكور
بيسال حضرتك بعض اسئله و بيتعرف على عدد افراد اللي هيسكنوا المكان و بيعمل معاينه للمكان و بيتفاهم مع حضرتك على التكلفه المطلوبه و بناء عليه
بيصمم السكن او المكان ده ايا كان نشاطه تجاري او اداري او سكني بناء على اولويات حضرتك و ذوقك من خلال خبرته و معرفته
فبيعمل حاجه لطيفه اوي :
-ان بيعمل تصميم لمكان يطابق احتياجتك و مناسب لطبيعه الوظيفيه المطلوبه لتحقيق افضل نتيجه بس كده😃
هو ده هيفرق عن اللي عمل تشطيب ؟؟؟🤔🤔
-هيفرق لو التصميم الفراغ فيه عيوب و مشاكل في الفرش الحلول المبتكره
- لو المساحه صغيره و مطلوب تناسب عدد انشطه متعدد الطريقه الافضل للفرش بتفرق اوقات ترحيل باب نص متر بيحل مشكله الفرش
- لو المكان مش فيه مسار حركه سليم و بيهدر طرق زي ما بنشوف مول بيتعمل و بعدين يبدا يعيد تقسيم الدور عشان يساعي محلات بشكل افضل لان التصميم الاول مسار الحركه بتاعه سيء
- اوقات اتجاة فتح الباب بيبقي عامل مشكله و محتاج حلول بديله و عمليه
-لو محتاج تبقي مميز اكييد اكييد اكييد هيفرق
-هيفرق للي بيفرق معاه لما بيروح كافيه او مكان يعد فيه يبقي فيه موود معين او كراسي بشكل معين مريحه اكتر و مش هيفرق مع اللي مبيفرقش معاه حاجه زي كده
_____________________________
سمعت من عدد مش قليل انا باكره الشقه دي او انا اتقفلت منها مش عارف افرشها ازاي و مع بعض الحلول البسيطه جدااااا الوضع بيختلف تماما
و من عدد اكبر بعد الاستعانه بخدمه التصميم الداخلي - انا مكنتش متخيل ان هيبقي فيه الفرق ده في التقسيم و المساحات و النتيجه .
فيه ناس بتختار "انها تختار"👌👌
م نهى نجيد