ابليك ولا نجفة لغرفة النوم
Updated: Sep 19, 2020
في نقاش مع احد العملاء
بساله حضرتك لك عادة القراءه او استكمال اوراق او عمل باليل قبل ما تنام ؟؟ رد باستغراب و استنكار الحقيقه 😅 ايون باحب القراءة باليل قبل النوم شوية
فحبيت اوضح المنطق من السؤال
كان التفسير للسؤال كالتالي
لو حضرتك بتحب تقرا غالبا هتحتاج ضوء متعدد الدرجات للاضاءه سهل الوصول اليه و فتحه و غلقه بسهوله من غير ما تقوم من السرير تطفيه مباشرة
و لو الورق اللي بيتراجع ورق شغل هتحتاج اضاءه اقرب للعاليه و مركزه " الاضاءة
بتساعد العين على الرؤيه و التركيز اسهل من لو لااضاءه خافته بتتعب العين شويه عشان تركز "
النقطه الاهم ان هتحتاج الكومودينو جنب حضرتك فاضي مش عليه اباجورة فهنلجا للاضاءة الابليك او اضاءه معلقه مناسبه للاستعمال
و هيكون الكومودينو من النوع التخزيني مش المكشوف عشان تقدر تحتفظ فيه باوراقك و حاجتك اللي بتراجعها لو هي حاجه شغل و حجم الكومود يكون مناسب
الديكور مش مجرد خط و رسمة ده تصميم حياة
م نهى نجيد