هوية المكان
☎️الو بشمهندسه نهى 📞ايون اتفضل ☎️انا عايز اعمل "شوية ديكور" في الشقه 📞تمام حضرتك في انهى مرحله ☎️دهنت الوش التاني و خلصت الارضيات و الاسقف و كل التاسيس 📞 🤨🤨🤨🤨🤨 ________________________________________ -الحقيقه لما باعمل معاينه للمكان اللي بيبقي ظروفه شبه ده بيغلب عليه ان 1- معمول فيه كله حاجه بانوهات و جيبسوم بورد و عمدان و بار وحجر و رخام و تجاليد و الغالب على العميل ده ان حاسس ان عمل شغل قيم جدااا و عايز يتمم بقي او 2- مش معمول فيه اي حاجه تقريبا - مجرد تشطيب بسيط جداااا اسقف بسيطه جدااا مفيش اي "هوية" للمكان الغالب علي العميل ده ان متوتر مش قادر ياخد قرار نهائي بالالوان و الاضافات اللي هتظهر المكان بشكل جميل - - فيه مجموعه اخري بتبقي فعليا قدرت تنسق شويه الشغل سواء بخبرة انها شطبت قبل كده او ان عارفه احتياجها مباشرة و قادره تختاره بوضوح ______________________________________ طب هو ايه المشكله في اللي عمل كل حاجه ده ؟؟!!! مش حاجه و عاجباة - ايه المشكله يعني 😏 مفيش مشكله الحقيقه - الا ان المكان بيبقي هيصه مقدرش يكون ليه هوية صرف و كلف و حط خامات و مصنعيات و مون 👎 -بس المكان فاقد الهوية 🤕 طب ما التاني ساب الدنيا فاضيه خالص اهه و بردو عجبتة ايه المشكله في كده ؟؟؟!!! - بردو المكان فاقد الهوية 🤕 _______________________________________ - يعني ايه هوية للمكان ؟؟!!!✋ يعني متطابق تماما مع الغرض و الوظيفه من استخدامه و يوفر من خلال التصميم و الالوان و الفراغات المساحية راحه و قبول لروادة 🌀
-هو مين اللي يحكم ان المكان ده له هوية او لا ؟؟؟؟ اللي بيستعملوا المكان و اهل التخصص الاقدر على كده
زي مثلا لما تدخل مطعم و تلاقي مزيكا شرقي و دفوف الاكل سوشي قاعد على مصطبه مثلا الالوان فوشيا وورد و عاملين جزء بيبعوا فيه هدايا تحسس ان حصل زغلله 😵😵😵 كده مفيش هوية للمكان 🤪🤪🤪 ___________________________________ --طب الكلام ده ليه حل ؟؟؟؟ على حسب فيه اماكن لازم يتكسر الشغل اللي اتعمل او يتعمل شغل عليه عشان يخلي ستايل معين هو اللي يسيطر و فيه اماكن بتبقي محتاجه اظهار اضافه فوية و دي شبه اكتر العميل الثاني " اللي معملش حاجه اساسا " _______________________________ -ايه حلول اسهل ؟؟؟؟ الاستعانه بمتخصص عمل تصميم داخلي او الاستعانه بصور تشبه المكان و المساحه كدليل للتنفيذ ___________________________________________ 📞 نقدر نعمل معاينه للمكان عشان اشوف ازاي اقدر افيدك 📞 ☎️ تمام 😁😁😉 #اماكن نسكنها و تحيا فينا م نهى نجيد
