• Noha Nagied

مهندس معماري ولا ديكور ولا ستايلست ؟؟!!

مهندس المعماري

مهندس الديكور

الستايلست

اوجه الاختلاف و التكامل



بصي المبني ده بيطلع على كذا مرحله اول طلعه ليه المهندس المعماري و ده بيحط التخطيط العام للمبني جوه و بره و الشكل الخارجي و الستايل و الفرش يتحط ازاي و كده زياده في التخصص بقى بيدخل المهندس الديكور ده بقي بيرسملك المكان رؤي العين يعني الفرش بالضبط الاضاءة و توزيعها الدرج ده هنا و الطربيزه دي هنا و بناء عليه نحط الفيشه دي في المكان ده و على الارتفاع ده - الديكور جزء متخصص من العمارة - بعض المعمارين بيشتغلوا ديكور و البعض بيكتفي بالتصميم العام للمبني -- يجي بقى بعد ما قلنا ان هنا كذا و هنا كذا دور الستايلست اللي يعمل بقى الماتش الجميل بين اللون الفلاني من القماش اللي موجود في المعرض الفلاني مع السجاده الفلانيه اللي موجده في المعرض الفلاني اللي يقدر يوفقهملك لان دي تخصصه بيبقى عارف ايه بيتباع فين و سعره كام و يتكلف كام و لما يركب على بعضه يبقى شكله ايه يعني هو ال 3 تخصص واحد و هو تحويل الافكار في السكن لواقع لكن كل مرحله متخصصه عن اللي وراها فيه مهندسين معماري ما شاء الله عندهم الملكه دي متكامله بياخد الحاجه من باباها يسلهمهالك turn key من بابها كده و فيه ناس بتبقى عدت مرحله او اخري يعني بني خلاص او عمل ديكور و باقي الفرش و الستايل فبيستعيين باحد التشعبات المتخصصه اكتر بناء على المرحله اللي هو فيها - تمام كده ولا ايه

م نهى نجيد

5 views0 comments